Home Police Nissan Teana destrui durante oranan di marduga dilanti cas na Sero Patrishi

Nissan Teana destrui durante oranan di marduga dilanti cas na Sero Patrishi

SHARE

Sero Patrishi – Diadomingo marduga pa mas o menos 3:50 polis a bay Sero Patrishi unda cu persona of personanan desconoci a comete destruccion na un vehiculo.

Por a compronde di e doño cu den oranan di marduga nan lo a scucha zonidonan fuerte pafo di cas.

A lanta bay tira bista y a bin topa un sorpresa desagradabel.

Nan auto un Nissan Teana tanto e Windshield y e Back shield a wordo destrui.

Mesora a yama a polis.

Nan a conta polis tambe cu for di un distancia a mira un persona cu fors postuur(curpa hancra/grandi). E persona aki lo tawata tin un Capushon bisti y cu algo cu parse un biga den man.

Polisnan a core rond pa mira si por localisa e individuo aki, pero no a topa niun hende.

Esaki ta un caso lamentabel, mirando cu e doño lo mester bay paga no un pero dos shield nobo.

No ta conoci si e habitante lo por tin problema cu hende, si ta asina polis lo sa mesora unda pa cuminsa busca.