Morgenster: Diasabra despues di 1’or di merdia, presencia di polis di trafico y ambulance ta wordo pidi cu urgencia na e crusada di Morgenster, pa motibo cu un accident a caba di sosode y tin persona herida.
Na yegada nan ta bin compronde for di e chauffeur di e Nissan Sentra, cu e tabata bayendo direccion di pariba y e dama chauffeur den e Ford tabata cla pa subi caminda y aparentemente lo No a mira cu e Nissan Sentra tabata biniendo di pabou, ela subi e caminda principal di Morgenster net na momento cu e Nissan tabata hopi cerca y asina e no por a haci nada mas pa evita e impacto. E Nissan a dal e Ford, e impacto tabata asina fuerte cu ela manda e Ford dal contra un cura di cas kibrando esaki y despues a bin para bek riba e crusada. E dama manehando e Ford a keda herida y tabata keha dolor na su pecho, aparentemente e dama chauffeur aki no tabata tin seat belt bisti.
Ambulance tambe a presenta na e sitio y e paramediconan di ambulance a trata e dama na e sitio y despues a transporte pa hospital. Den e accident aki tabata tin masha hopi daño material.