Homber bou influencia a causa accidente di cadena na luznan di trafico Palm Beach

Palm Beach – Diabierna atardi pa mas o menos 5:30 ta sosode un accidente di cadena na luznan di trafico pariba di McDonald’s.

Na yegada polisnan a topa e tres vehiculonan envolvi, tawata trata di un Kia Sportage mas dilanti, un Van y ultimo tawata un Toyota Yaris.

Mester remarca cu e Yaris ta esun cu haya mas hopi daño material.

Polisnan a pidi presencia di Ambulance pa controla e chauffeurnan cu tawata keha di dolor.

Segun nos a compronde chauffeur di e Yaris no a regula su velocidad y lo ta esun cu a causa e boksmento door di dal tras di e Van, causando cu esaki a bay dal e Kia Sportage su dilanti.

Polisnan a bay over na detene  e cabayero pa motibo cu elo tawata bou influencia.

Paramediconan a controla tur esnan envolvi.