AWE DIASABRA ATARDI LO BENDE E RIFA DI AUTO NA CENTRO DI BARIO TANKI LEENDERT
Un apelacion na henter comunidad y comercio pa yuda nos yuda esnan den comunidad cu ta den necesidad.
ORANJESTAD – E dia ta yegando pa e sorteo di e rifa di Auto di Aruba One Happy Island Lions Club cual lo ta otro siman diadomingo 1 di december 2019 na Centro di Bario Tanki Leendert pa 7 ‘or di anochi. Riba e programa tin presentacion di Grupo di Gaita Autentico y Gaita di Mama Rosa cu lo tey pa trece un animacion cu musica di fin di aña. Lo tin un bar y cushina bon surti.
Un bez mas Aruba One Happy Island Lions Club ta yama danki na tur esnan cu ya a contribui. Pa solamente 5 florin pa ticket bo por gana como prome premio un Auto Hyundai Eon 2019 nobo, segundo premio un Estadia di un fin di Siman na un hotel local y tercer lugar un ticket pa 4 persona por disfruta un dia riba De Palm Island. Cu e fondo recauda nos club por sigui realiza proyectonan na bienestar di nos comunidad. Un apelacion na henter comunidad y comercio na Aruba pa yuda nos yuda esnan den comunidad cu ta den necesidad.
Diasabra awor dia 23 di November miembronan lo ta bendiendo e rifa for di 4 ‘ or y mey di atardi pa 6 ‘or y mey di atardi dilanti Centro di Bario Tanki Leendert. Yega y duna bo contribucion cual lo yuda nos yuda esnan den comunidad cu ta den necesidad. Pa mas informacion y buki di rifa por tuma contacto na number 746-0428 of 594-0043.