Diaranson 20 di november 2019 conhuntamente cu algun colega di Fraccion di MEP, Shailiny Tromp-Lee a bishita Enseñansa pa Empleo (EpE). Aki e delegacion a keda ricibi pa sra. Astrid Thiel cu ta na cabes di e organisacion. Despues di a haya un recorido den e edificio y a cera conoci cu e empleadonan a tuma lugar un reunion hopi informativo. Sigur en conexion cu tratamento di e presupuesto 2020 diferente pregunta a keda haci pa loke ta trata diferente reto cu e organisacion tin, kico ta e plannan pa futuro y con implementacion di e plan di maneho pa 2019 ta bayendo.
Alabes a toca diferente topico manera schedule y tipo di curso cu nan ta ofrece y nan atendencia, resultado di e organisacion (diferente aña), matching curso y necesidad di mercado laboral, baloracion di nan certificado, relacion cu otro stakeholders, digitalisacion di proceso cu a tuma lugar etc.
Banda di e organisacion EpE a trata tambe otro organisacion manera Middag Mavo, OAA y Leerwerk traject.
Fraccion di MEP ta gradici sra. Astrid Thiel pa e bon reunion.