Parlamentario Endy Croes: Pabien Minister Danqui Oduber y Gabinete Wever Croes. Groundbreaking di dos proyecto grandi den menos di un siman pa San Nicolas. Welcome Baby Beach Waterfront

Parlamentario Endy Croes ta felicita Minister Danqui Oduber y Gabinete Wever Croes den su totalidad trahando incansabelmente den temponan sumamente dificil. Pa San Nicolas sinembargo a logra cristalisa dos proyecto grandi y miyonario. Siman pasa a haci groundbreaking di Secrets Baby Beach Resort na e parti ariba na Baby Beach y den menos di 8 dia Minister TVS Danqui Oduber a lansa un otro proyecto como parti di e Master Plan di San Nicolas pa drecha, construi y embeyece rond di Baby Beach completamente. Por a tuma nota di e mapa y esaki ta un otro hoya di proyecto cu lo upgrade San Nicolas mientras lo drecha tambe e dos canchanan di tennis y modernisa nan completo. Gabinete Wever Croes no ta papia pero ta pone accion tras di su promesanan cu hechonan. Lo percura pa haci San Nicolas e ciudad di cultura y gerencia. Pabien Aruba pero alabes pabien San Nicolas cu un otro proyecto Baby Beach Waterfront. Ambos lo percura pa crea empleo pa nos hendenan di pariba di brug y lo spin off economia na su debido tempo. Poco poco pero sigur Gabinete Wever Croes ta cumpliendo pa pone pais Aruba riba e rumbo corecto unda ningun hende lo wordo laga atras, Parlamentario Croes ta termina bisando.