117
ORANJESTAD, Aruba –Como partner activo di Cruz Cora Aruba, Aruba Bank a entrega vest nobo pa boluntarionan por eherce nan trabou di yuda esunnan di mas vulnerabel den nos comunidad.
Cruz Cora Aruba ta funda desde aña 1957 y ta un “non-profit organization”. E organisacion ta forma parti di “Het Nederlandse Rode Kruis” pa brinda asistencia humanitario. E motivacion principal di Cruz Cora Aruba ta pa alivia sufrimento humano den momentonan mas vulnerabel manera ora di calamidad y ta haci esaki sin distingui rasa, nacionalidad y creencia.
Aruba Bank ta orguyoso di por a sostene e organisacion y na final a expresa di ta desea di sigui traha cu Cruz Cora Aruba den futuro.