Moko – Diahuebs den oranan di atardi polis y ambulance a bay direccion Moko, den area di La Roca pa un accidente di trafico.
Na yegada polis a topa dos auto ariba un T-weg. Ambos auto tawata tin daño material.
Tawata trata di Kia Sportage y un Nissan Sentra.
E Sentra lo tawata bayendo direccion zuid ora ela haye confronta cu e Kia Sportage cu a yega lora su dilanti.
Esaki tawata e motibo di e accidente, un impacto semi frontal cu a laga basta daño material atras.
Den e Sentra tawata tin un adulto y dos mucha.
Un di nan lo a haya un golpi na su cabes y tawata yora constantemente.
Su ruman tawata ok pero por mira cu e ta spanta.
Chauffeur di e Sportage tambe tawata ok.
Ambulance a presenta y a opta pa bay hiba e mucha cu a haya e bolobonchi na su frenta Hospital.