Por medio di e communicado aki Departamento di Salubridad Publico y Nationaal Centraal Bureau Terrorismebestrijding, Veiligheid en Interpol, ta informa lo siguiente

Oranjestad, Aruba – 20 di November 2019: Ta confirma cu e systema di IT di dr. Horacio Oduber Hospital ta gravemente afecta. Esaki a ocashona cu actualmente a bay over na un systema manual. Esaki por trece cune cu por experiencia cierto tardansa.

Tin cu enfatisa cu e situacion di cuido na e momento aki ta stabil y cu tur partido envolvi ta haciendo maximo esfuerso pa garantisa e continuidad y calidad di cuido. Pa e situacion technico tin un colaboracion extenso entre expertonan di sector publico y priva.

Nos ta pidi comprenshon pa cu e situacion actual di Hospital. Na momento cu tin desaroyo nobo nos lo comunica esaki debidamente.