Home International Tata a keda deteni despues cu su yiu di 5 aña a...

Tata a keda deteni despues cu su yiu di 5 aña a bay scol cu un saco di Cocaina den su tas

SHARE

Massachusetts, Estados Unidos: Un tata a keda deteni despues cu su yiu homber di apenas 5 aña a dicidi di hinca un saco di cocaina den su tas di scol. Na scol ela mustra su meneer e saco conteniendo Cocaina.

E criatura di 5 aña siman pasa a bay scol cu den su tas di scol, no solamente su pertenencianan di scol, pero den su tas di scol tabata tin un sakito di Cocaina hinca, esaki a sosode na Holyoke den e estado di Massachusetts.

E mucha inocentemente a mustra su meneer di scol e droga y yen entusiasmo a conta su meneer cu ora e pone e puiro blanco den su boca e ta sinti’e mescos cu Spiderman.

E meneer di scol a keda den shock y a avisa mesora polis, polisnan a bin atende cu e mucha y a sigui cu un investigacion.

Pa motibo cu tabata tin un fuerte sospecho cu e criatura a guli e droga, ela wordo hiba hospital. Pa motibo di privacidad, autoridad no a divulga si despues di a test e criatura lo por a haya droga den su sistema.

Na e cas unda e criatura ta biba nan a bin topa cu e tata, e tata tabata na soño na momento cu autoridad a drenta su cas y tambe nan a topa cu 38 sakito di cocaina y 70 sakito di Heroina.

E tata di e criatura di 5 aña a keda deteni y ta bou investigacion.