Home » Prome Minister Evelyn Wever-Croes: GOBIERNO TA TRAHANDO PA MEHORA E ECONOMIA FAMILIAR

Prome Minister Evelyn Wever-Croes: GOBIERNO TA TRAHANDO PA MEHORA E ECONOMIA FAMILIAR

by Admin
0 comment 44 views

Den cuadro di celebracion di e di 2 aniversario di Gabinete Wever-Croes, Premier Evelyn Wever-Croes a recapitula e decisionnan importante di Gobierno pa mehora e economia familiar di tur ciudadano.
E debe grandisimo cu gobierno di Mike Eman a crea, ta un factor cu ta stroba nos economia di crece y ta causante di tanto inflacion. P’esey prioridad di Gabinete Wever-Croes ta pa reduci e debe di nos pais, pasobra e ora ta crea espacio pa desaroyo economico y pa kibra inflacion. E debe cu a wordo redobla pa gobierno anterior cu tabata yega casi 90%, awe a wordo reduci te na 75%, un percentahe ainda halto, pero hopi mas abou cu loke gobierno anterior a laga atras.

Esaki ta e lista di accion y decisionnan importante cu Gabiniete Wever-Croes a tuma:

A aumenta minimumloon
A hisa e pensioen di biehes pa parehanan casa cu 47 florin y pa pensionadonan soltero cu 25 florin
A aumenta reparatie toeslag pa pensionado cu 25 florin y a redusi e prima di AZV di pensionado di 10.6% pa 6%
A elimina impuesto riba entrada y riba salario pa 25 mil ciudadano, y a rebaha e impuesto aki pa tur demas 7 mil ciudadano,
A elimina grondbelasting pa 12 mil ciudadano, y a rebaha grondbelasting pa demas 16 mil ciudadano.
A amplia e canasta basico cu 22 producto mas
Ta controla supermercadonan tur luna
Apesar di aumento di prijs di crudo internacionalmente, nos a sa di mantene e prijs di awa y coriente sin aumento di prijs
A inverti den WEB y Elmar pa garantisa e suministro y pa amplia e motornan Wartzila cu por opera riba gas y diesel, cu por baha e prijs di awa y coriente pronto
Y a cambia e forma di hedging, cu a costa WEB bou gobierno anterior 230 miyon florin, pa asina garantisa cu por baha prijs di awa y coriente pronto
y pa evita cu e prijs di gasolin a aumenta demasiado, Gobierno a absorbe e aumento na april, mei y juni cu 37.5 cen

“Esakinan ta apenas algun di e decisionnan importante cu Gabinete Wever-Croes a tuma pa mehora e economia familiar. No ta tur hende ta sinti e efecto al instante, debi cu e debe grandisimo ta un problema grandi. Sinembargo, pa Gabinete Wever-Croes esaki ta duna nos mas determinacion pa caba cu e situacion aki ‘for once and for all’”, Prome Minister Evelyn Wever-Croes a duna di conoce.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio