Djasabra 16 di novèmber 2019, personal di Warda di Polis Montaña konhuntamente ku otro Departamentunan di Polis, KMar, Duana, Brantwer i Curmil a tene kontròl di tráfiko general i uso di alkohòl. E kontròl aki a tuma lugá entre 20.00’or pa 23.15’or, riba Caracasbaaiweg. A kontrolá un total di 122 vehíkulo i a partí un total di 36 prosèsverbal pa e siguiente infrakshonnan:
Manehá un vehíkulo sin:
➢ reibeweis bálido; ➢ ku e impuesto di vehíkulo ta pagá ➢ seguro bálido; ➢ karchi di kùr bálido; ➢ plachi di number; ➢ faha di seguridat bistí; ➢ richtingaanwijzer; ➢ lus di dim.
Manehá un vehíkulo:
➢ ku glas skur.
Durante di e kontròl aki, 7 shofùr a keda someté na e tèst di alkohòl di kua 2 a pasa e limité ku ta permití. Un di e shofùrnan a risibí un but pa kore bou di influensia di alkohòl i pronto lo mester aparesé dilanti di wes. E otro shofúr kual ta trata di un marinir a keda detené dor di personal di Kmar i lo sigui ku e kaso. Kran a transportá un total di 3 vehíkulo.
E kontròlnan aki ta kontinuá.