Turista Canades problematico y agresivo a destrui camber di Hotel

J.E. Irausquin Blvd – Diasabra merdia polisnan a bay lihe na un camber di Hotel den di Eagle beach, pa un homber cu lo ta bezig causando destruccion.

Na yegada di polis nan a topa cu un homber Canades, cu ya nan tin algun dia problema cune.

Parse cu e homber aki ya a wordo cori for di otro hotel aki na  Aruba, pa su mal comportacion.

Polisnan a constata e extenso di destruccion cu e homber a comete, y mesora a detene.

Hunto cu e homber aki tawata tin un dama, kende e a bay sconde ora e homber a bira di cabes y destrui cosnan den e camber.

Polis a detene e homber y hibe warda, parse cu e falta algun dia mas Aruba pues lo por spera mas problema.