Oranjestad – Diasabra merdia informacion a drenta cerca polis cu tin dos adicto dilanti Taco Bell situa na Kinikini Building. E dos adictonan tawata molestia e hendenan door di pidi placa.
Un agente policial di e departamento di recherche pasando eybanda aparentemente lo bay hala atencion di e adictonan.
Segun e ta bisa elo a identifica su mes como polis.
Un di e adictonan a scucha y a move mesora di e sitio.
Pero, e adicto conoci bou e nomber a.k.a Pop no a move.
Akinan lo a start e problema, y e adicto segun nan ta bisa lo a “lanta” contra e recherche.
Eynan pelea a start, adicto contra recherche. Den e pelea e adicto a bay vloer prome y lo a herida su cabes, cu tawata sangra bastante.
Debi cu lo no tawata tin Ambulance disponibel e momento eynan a opta pa transporta e adicto pa warda den Transportwagen.
Mester remarca cu e adicto tawata tin un herida ariba cabes cu tawata sangra hopi, y asina tur na sanger un agente mester a tene(body contact) pa hinke den e Transportwagen.
Algo riesgoso, pa motibo cu e agente y tambe ora e yega warda lo mester bay trata cune.
E no ta bay paso e ta un adicto, e por ta cualkier persona cu ta tur na sanger y bo mester trata cune sin sa si e por tin un of otro enfermedad.