Avenida Nelson O.Oduber – Diahuebs anochi algo prome cu 11’or polisnan a haya informacion di un accidente serio poco mas panort e rotonde di SuperFood.
Mesora varios unidad policial a sali pa e area unda e accidente lo a sosode.
Na yegada memey di e avenida nan ta mira un auto y un baranca grandi ariba caminda.
Yegadando mas cerca nan a constata cu e auto un Kia Rio a dal contra e baranca asina duro cu ela move esaki.
Con segun un testigo e accidente a pasa
Segun testigo e auto aki tawata bayendo direccion zuid, y dado momento sin ningun motibo a baha na su man robes y dal e baranca cu ta memey caminda mande ariba e otro banda.
Ambulance tambe a ser pidi cu urgencia. Na yegada mesora Paramediconan a bay atende.
Tawata trata di un damita di mas o menos 16 aña di edad.
Pues no tin rijbewijs tampoco.
Ela wordo hinca den Ambulance y despues cu Paramediconan a stabilise a sali pura cune direccion Hospital.
Na e sitio agentenan di trafico a keda pa tuma nota di tur datos.
No ta conoci si mayornan di e hobencita aki ta na altura cu e mucha ta cu e auto.
