Caya G.F.Betico – Diaranson mainta pa mas o menos 11’or propetario di e Restaurant Sultan a haya un sorpresa desagradabel ora ela bay habri.
Na su entrada mesora a ripara cu e ladronnan a drenta durante oranan di marduga.
E doño mesora a bay mira ariba su Security Cameras y a bin haya sa cu e acto aki lo a sosode den careda di 5’or a.m .
Ariba e monitor por a mira dos persona, muy probablemente hendenan hoben.
Por mira con nan tawata mira rond wak si por tin hende lanta of auto ta bin.
Loke nan no a tene cuente cune tawata cu e luga tin varios Camera di Siguridad instala.
Despues cu nan a logra drenta nan lo tawata busca tur caminda cosnan cu pa nan ta di balor. Na final nan a bay cu un caha di placa, pero mucho no lo a haya aden debi cu ta deposita tur dia.
Segun e doño mas o menos 500florin nan por a haya na placa los.
Pa e dos ladronnan aki, tin video graba di bosonan y keho a wordo entrega na polis pues si ta bon lo no tarda mucho pa autoridad yega cercanan.
