Caya Frere Arnold – Diaranson atardi pa mas o menos 5:15 informacion a drenta di un accidente serio den Caya Frere Arnold, unda un auto a drenta cura di cas cu velocidad halto.
Pues un auto lo a basha un cura abou.
Na yegada polisnan a constata cu berdad un Mitsubishi Lancer color berde a basha un porta di hero abou bay aden.
Polis a bay papia cu e chauffeur cu a contanan cu ela sinti’e ta bira malo y lo a bay for di tino.
A pidi ambulance na e sitio pa motibo cu e chauffeur durante e impacto a dal su cabes, y a haya un kap serio.
Loke a sosode tawata cu durante cu e Mitsubishi tawata bayendo zuid ariba Caya Frere Alexius y yegando Caya Frere Arnold eynan ta unda ela bira malo. Elo a kita bay na su man robes dal contra un Hyundai color blauw staciona ariba acera pa despues kita bay dal un porta di cura, kibrando esaki bay aden.
Paramediconan a yega y mesora a bay trata cu e chauffeur unda despues a transporte pa Hospital.
Daño material ta considerabel.
