Piedra Plat – Diasabra anochi algo pasa di 7:30 un biaha mas un accidente frontal a tuma luga ariba e brug di Piedra Plat.
Mester bisa cu 24ora pasa un otro accidente serio ta tuma luga, segun polis na e mesun sitio.
Ayera diabierna mesun ora a sosode un accidente tambe cu tres auto envolvi.
Diasabra anochi e autonan envolvi ta unToyota Yaris y un Honda right hand drive.
Na nos yegada ya e chauffeur di e Honda rhd a ser pasa den e prome ambulance cu a yega na e sitio.
Materiaalwagen
Mescos diabierna materiaalwagen a ser pidi pa asina yuda e Paramediconan saca chauffeur(33) di e Yaris cu a resulta esun di mas herida.
Despues di algun minuut a logra libera e chauffeur di e Yaris cu lo a sufri golpi fuerte na pecho, mirando cu e stuurwiel a kibra.
Na e sitio por a mira polis di departamento tecnico, pa saca e fotonan necesario pa nan por usa den nan investigacion.
Ariba caminda por a mira un marca di brake basta largo, no ta conoci si e esaki ta di e accidente di ayera of di Yaris color blauw cu a accidenta diasabra anochi.