Home International Ex-President di Brazil Lula(74) cu a wordo sentencia pa corupcion y labamento...

Ex-President di Brazil Lula(74) cu a wordo sentencia pa corupcion y labamento di placa saca for di prison y declara liber

SHARE

Brazil – Ex Presidente di Brazil Luiz Inacio Lula da Silva(74) a ser laga den libertad despues di tawata den prison.

Na 2018 Lula mester a bay prison en relaciona cu casonan di corupcion y labamento di placa.

Den prome instante Lula a wordo sentencia na 12 aña di prison, pero april ultimo esaki a wordo reduci na 8 aña y 10 luna.

Na final un huez a dicidi di reduci e castigo impone ariba e Ex Presidente pa motibo cu e ta haya esaki mucho pisa.

Diahuebs ultimo e Tribunal mas halto di Brazil a bisa cu un persona solamente por wordo encarcela despues cu no tin ningun posibilidad mas pa bay den hoger beroep.

E decision aki no solamente tin di haber cu Lula, pero tambe e otro casi cinco mil detenidonan cu tin na Brazil.

Pues awor tur persona cu tawata envolvi den e caso yama “Operation Car Wash” lo bay wordo laga den libertad, despues di e decision aki.