135
Staringstraat – Diamars mainta polis a bay altura di Macro Supermarket na San Nicolas, unda un accidente di brommer lo a sosode.
Na yegada di polis a resulta cu ta un motociclista a dal contra un auto staciona den e cura di skol eybanda(Ibero American High School). Pero enbes di keda warda ela bandona e sitio.
Na e sitio polisnan a wordo informa cu ta un persona conoci di Husticia, y door di esaki polisnan tawata sa unda pa busca.
Polisnan a bay su cas pero e mes no tawata tey, parse cu elo a dicidi pa bay Centro Medico door cu e tawata herida.
Su mama cu tawata na cas a coopera cu polis y a laganan drenta. Polis a confisca e brommer y bisa e mama pa ora e yiu bin cas e pasa warda di Balashi.
