Home » SV Estrella ta despedi di Ronny Kootes, un persona masha keri pa e famia naranjada

SV Estrella ta despedi di Ronny Kootes, un persona masha keri pa e famia naranjada

by Admin
0 comment 62 views

Santa Cruz: SV Estrella futbol team ta bay despedi diamars awo 5 di november di un gran deportista y futbolista esta Ronny Kootes.
Ronny sin duda un gran persona y hopi keri pa e famia naranjada.

Ronny su posicion natural tabata rechtsbuiten y tabata un di e hungadornan mas velos den su tempo. Hopi gol naranjada a wordo asisti pa Ronny riba rechts.
Un ana hopi bon pa Estrella ta na 1992 cu Ronny den team di Estrella cu a sa di tutitula campeon di Aruba derotando RCA den Joe Laveist Sport Park yena cu fanatico.

E team di 1992 tabata un equipo cu a domina e campeonato. Cu Ronny riba rechts y e actual coach di Estrella Kenrick ‘Bradshaw’ Lopez riba links.

Denchi Werleman cu ta actualmente presidente di Estrella futbol a hunga basta temporada hunto cu Ronny den Estrella na comienso di decada 90. Sin duda ta hopi gol nan a celebra hunto bisti na oranjo. No ta un compañero so den deporte Estrella y Santa Cruz a perde, sino tambe un tremendo persona.

Den nomber di Estrella futbol team nos ta desea famia y conosirenan hopi forsa cu e perdida di Ronny Kootes.
Cu Ronny sosega na paz.

Adhunto e pic di e team Estrella 1992.
Por mira Ronny Kootes cu number 13 riba su uniform.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio