Amsterdam – Polis Hulandes ta sumamente preocupa cu mas y mas nan ta “dal” ariba Laboratorionan sofistica pa produci Cocaina. Mester bisa cu Hulanda su criminalidad ta creciendo y te hasta por bay mas leu di añadi cu e ta for di control.
Na Hulanda casi tur siman pa no bisa cada pasa un dia tin likidacionnan of intento di likidacion.
Ban bek ariba e produccion di Cocaina na Hulanda. Polisnan ta sumamente preocupa cu e desaroyo rapido aki.
Cada biaha autoridad ta bin topa cu Laboratorionan di Cocaina y e ta birando mas frecuente.
Cu Acetona y mas kimico e criminalnan ta produci e puiro blanco, pa asina rebende esaki y asina e ta keda pasa den varios man ariba e mercado di droga.
For di algun investigacion a bin sali nan cla cu ta masha facil pa un persona yega na Aceton.
Bo ta drenta un Hardware store grandi y bo por sali cu Jerrycan yena cu Acetona.
Segun polis esaki no por, y vooral si e persona ey no tin un compania di Verf. E persona aki sigur lo ta cumprando Aceton pa e circuito Criminal cu ta dispone di un Laboratorio pa produci Coca.
