Palm Beach – Dialuna merdia polis y ambulance a wordo notifica cu nan lo ta bay drenta cu un turista cu no ta reacciona na Pelican Pier situa na Holiday Inn. Lastimamente tur e esfuersonan haci tawata envano.
Di parti Cuerpo Policial nos a ricibi e siguiente informacion:
“Dialuna merdia pa 12:38 central di polis ta wordo notifica cu un turista mester a bira malo ora di bay duik y un boto di placer lo ta treciendo e turista na Pelican Pier.
Polis y ambulance a bay na e sitio menciona . Na jegada e personal di ambulance a cuminsa cu re-animacion di e turista masculino pero lamentablemente no por a haci nada mas . Pa 2:10 dr Texier ta constata morto di e turista masculino W.J.G. di 67 aña di edad di nacionalidad mericano.
Slachtofferhulp a presenta pa asina guia e famia den e momento dificil aki .
Nos di Cuerpo Policial ta manda palabra di condolencia na famia di e fayecido”.