129
Palm Beach – Dialuna marduga polis di Noord a bay altura di e mall bandona na Palm Beach, unda un chauffeur a bisa cu ela bira victiman di un hit and run.
Na yegada di polis nan a topa cu un Nissan March cu sla na banda drechi.
Segun e chauffeur un auto cu a para banda di dje lo a ocasiona e daño na salida y a bandona e sitio. No ta conoci si ela menciona marca of color di e vehiculo.
Agentenan no a kere a storia mucho y a bin conclui cu e homber no tawata bisando e berdad.
Nan a sigui chek y a resulta cu e chauffeur lo a dal su auto contra un palo di luz.
Pues e chauffeur lo tin algo di sconde.