Kuerpo Polisial di Korsou ta informa: Detenshon en konekshon ku violensia relashonal i destrukshon.

Willemstad, Korsou: Djadumingu 3 di novèmber 2019, alrededor di 15.54’or di atardi, Sentral di polis a dirigí un unidat di polis na un kas den área di kaminda Electriciën, kaminda un hòmber lo mester a maltratá su eks partner. Na yegada di e unidat, a topa ku un dama ku a deklará na polis ku su eks partner lo mester a kore su tras riba Schottegatweg Oost, sak’é for di su outo, bai kuné, maltrat’é i destruí su telefòn. Na momentu ku tur esaki a pasa e dama a konta ku e tabata for di su konosementu. Kontinuando ku e investigashon, despues di un ratu a detené e sospechoso den e kaso aki na warda di Polis Punda. Ta trata di e hòmber B.R.C., nase na Kòrsou di 39 aña di edat. A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.