Oranjestad – Recientemente Kiwanis Club of Palm Beach Aruba a instala su directiva nobo pa e aña 2019-2020. E directiva nobo lo consisti di e siguiente voluntarionan:
- President – Sr. Ivan Ng
- Secretary – Sr. Ross Brezovar
- Treasurer – Sr. Frank Hoevertsz
- Vice President – Sr. Rothmar Coenraad
- President Elect – Sr. Richard Roy
- Immediate Past President – Sr. Michel Janssen
- Director – Sr. Carlos Tapias
- Director – Sr. Bert van der Horst
- Director – Sr. Daniel Aguirre
- Director – Sr. Misha Bemer
- Director – Sr. Gilmar Chejito Croes
- Director – Sr. Giovanni C.V. Bermudez
- Director – Sr. Ben King
Na e ocasion aki e Presidente saliente, Sr. Michel Janssen, den su discurso a expresa su gratitud pa e esfuerzo grandi cu e miembrecia a haci den e aña anterior pa duna sosten na nos communidad. Tabata un aña pa e club cu a conoce un cantidad di tres evento pa recauda fondo, esta e Kiwanis Carnival Masquerade Party, e Kiwanis Carnival Fundraising Tent y e Kiwanis Nostalgia 60’s Party. Conhunto, pa medio di e iniciativanan aki a logra recauda alrededor di Afl 190.000,- cu a keda distribui entre donacionan y projectonan social pa nos communidad.
Como Presidente nobo pa e aña 2019-2020 a keda instala Sr. Ivan Ng kende ta miembro desde aña 2013. E Presidente nobo den su discurso a afirma su dedicacion personal na e concepto di servicio pa nos communidad. Tambe ela señala con orguyoso e miembronan di e club hunto cu nan famia mester ta di e resultado di nan dedicacion na nos comunidad. E voluntarionan ta dedica hopi di nan tempo pa yuda nos communidad tur aña. Como Presidente di Kiwanis Club of Palm Beach e lo sigui cu e ehecucion di e plan strategico vigente, unda lo enfoca ariba projectonan basa ariba e resultado di un “Community Analysis” cu e club a caba di realisa y a presenta na tur esnan presente durante e anochi menciona. Den e proyectonan aki lo incorpora e elemento di educacion cu ta un di e puntonan cu mas a resalta di e estudio haci. Asina e aña aki lo sigui fortifica e club su sosten na nos comunidad.
E instalacion a tuma lugar na Hyatt Regency Resort su ballroom den un ambiente ameno y placentero dirigi pa Sr. Patrick Brown cu a fungi como e maestro di ceremonia. Como invitadonan special tabata presente Sr. Marlon der Meer, Lieutenant Governor di Division 26, cual ta e division cu Kiwanis Club of Palm Beach ta forma parti di dje. Tambe representantenan di otro clubnan di Servico na Aruba, entre otro e organisacionan hubenil manera Cirkle K di Universidad di Aruba, Builders Club di Colegio San Antonio, Terrific Kids di St Dominicus y St Franciscus College.
Kiwanis Internacional ta un organizacion caritativo mundial, dedica na haci nos mundo mihor door di cambia un comunidad of un mucha cada bez. Mas informacion por haya riba: www.facebook.com/kiwanispalm beacharuba