159
Malmok – Diadomingo anochi den careda di 8:30 informacion a drenta di un accidente serio na Arashi, mesora polis a cuminsa bay e direccion.
Na e birada pa bay Arashi y Malmokweg a bin topa e accidente. No tawata tin hende herida.
E auto tawata un Honda Pick up color preto, cu a algun hoben aden. Na stuur tawata un chauffeur femenino, cu a tuma e bocht poco grandi di mas, cu e consecuencia e tire dilanti a dal contra acera.
Esaki a causa cu e tire dilanti a kibra full y esun patras a kap. Door di e impacto duro contra e acera un airbag banda di pasahero a sali.
Asina e auto a lastra pa algun meter prome cu ela stop.
Compania di seguro a yega e sitio y despues mester a pidi pa takelwagen debi cu e auto no por a move ariba su mesun forsa.