Polis a bay atende cu un bringamento formal entre dos amigo

Tanki Leendert: Diadomingo den oranan di marduga, presencia di polis a wordo pidi cu urgencia riba e caminda principal di Tanki Leendert, pa motibo di un bringamento formal.

Na caminda pa e asistencia a drenta un otro informacion, cu esnan envolvi den e bringamento a hala bay mas pariba. Na yegada nan a bin compronde cu tabata trata di un pelea entre dos amigo. Na momento cu polis a acerca e dos amigonan aki, ya nan a stop di bringa caba y nan mes a regla e problema entrenan mes y no tabata tin mester di asistencia policial.

No a keda e polisnan nada otro di bandona e sitio y sigui patruya.