Stoof a explota ora cu a bay cende: Señora a resulta herida

Palm Beach – Diasabra den oranan di mainta unidadnan di Brandweer, Poli y Ambulance a sali direccion Palm Beach unda un explosion a tuma luga.

Na e sitio nan a topa cu un señora di edad sinta y kehando di dolor.

Bomberonan mientrastanto a bay controla ta kiko tur a pasa.

Paramediconan tawata tratando e señora y den tur su susto y dolor ela conta cu ela bay cende e stoof.

Y esaki lo a “explota” y pusha bin dilanti dal e señora.

Door di e explosion hopi cos den e cushina a bin abou y tambe lo a crea un buraco den muraya.

Paramediconan mesora a transporta e dama pa Hospital unda elo wordo someti na un examinacion mas riguroso.