Grenoble, Francia: Den e cuidad Frances Grenoble, Diadomingo ultimo den oranan di merdia, polisnan a detene un mucha homber cu tabata tin dos cuchiu den su poder y tabata keda grita “allahu akbar cu kemen Dios ta grandi. Asina e parket na Grenoble a informa. E mucha homber aki di 19 aña ta desendiente di Algeria tabata cana lomba sunu den becindario di e Station di trein na Grenoble y tabata grita varios palabra na Arabe.
Na yegada di polis, e mucha homber aki a nenga di benta e cuchiunan riba vloer y tabata menasando e agentenan policia di e Brigada Anti Crimen (BAC), e tabata keda cana pa bin den nan direcion y tabata keda grita “allahu akbar” mientras e tabata cana bay direcion di e agentenan. E no kier a rasona y e agentenan na e sitio a dicidi di tira cu un arma special usando flashball. Flashballs mayoria biaha ta wordo traha di rubber of foam, e ta causa menos daño, e no ta penetra den cuero di hende pero ta dal suficiente duro pa pone un hende sak den otro di dolor.
Despues cu polis a tira e mucha homber cu un di e flashball, ela sak den otro y asina por a domine.
Ela keda deteni y a wordo interna na como cu e ta un pashent Psikiatrico.