ORANJESTAD – Comision di mountainbike di Aruba Wieler Bond ta organisa Coco Night Ride pa recauda fondo.
E ride ta pa coredonan di mountainbike den diferente categoria y lo tuma luga riba diasabra awor 2 november for di 7or di anochi. Punto di salida: Bushiribana Gold Mine Ruines.
Bo no tin miedo core anochi? Ni di spiritonan? Bin core cu nos diasabra awor. Tin tres distancia: pa beginners 8km (Natural Bridge), pa intermediate di 14km (Natural Bridge, Calbas) y pa coredonan avansa lo tin e ruto di 30 km (Natural Bridge, Calbas, Alto Vista).
Helm y lus ta obligatorio, y coredonan mester tin 9 aña bay ariba. Bo por inscribi y paga na e tiendanan Tri-Bike, TechShack y FX. Of registra online y paga na evento mes: https://forms.gle/HqE979bfqyBVSfw2A.