ORANJESTAD, Aruba – Pa Aruba Bank e empleado ta central ora di priminti e clientenan “Un Experencia Superior”. Cu esaki den mente Aruba Bank ta nomina un empleado ehemplar tur luna. E empleado cu ta wordo scogi ta esun cu durante di e luna a haci su maximo esfuerzo pa brinda momentonan superior na tur cu a bishita Aruba Bank of hasi uso di un manera of otro di un servicio di banco. Sra. Janis ten Hoope a ser selecciona durante di luna di October.
Janis ta un persona cu semper ta cla pa yuda unda cu mester. Su guia cu e ta duna como consehero ta uno remarcabel y semper ta percura pa keda profesional den tur aspecto di su funcion. Janis ta compronde e toque personal cu un compania grandi manera Aruba Bank mester. Pa e motibonan aki ela wordo nomina y reconoci como un empleado superior.
Aruba Bank ta felicita y gradici demas miembronan di e famia di Aruba Bank cu a wordo nomina pa cliente y of colega pa yuda brinda tur cliente “Un Experiencia Superior”. Pabien!