Un bista tristo y cruel ora doño a haya varios di su cabritonan morto

Balashi – Dialuna mainta propetario di algun cabrito a pidi presencia di polis na su adres cu ta situa na Balashi.

Ela bin haya como 6 cabrito di dje cruelmente mata door di posiblemente cachonan.

Tres otro tawata halando rosea y sclamando di dolor.

E doño mester a busca un specialista pa pone e tresnan severamente herida drumi.

Polis unicamente por a tuma nota di loke a pasa y kizas tira un bista rond den bario pa mira si por topa cacho/cachonan na sanger.