Sabana Blanco/ Wayaca – Diadomingo atardi polisnan a bay un adres na Sero Blanco, unda un caso di destruccion a tuma luga.
Algun minuut cu nan ta na e adres pafo un Nissan Almera biniendo di nort a dal para y a hit reverse mesora. Nos ta asumi door cu ela mira polis.
Momento cu ela bay den reverse elo a dal un vehiculo(un Honda) staciona y bandona e sitio. Na stuur tawata un cabayero sin t-shirt cu cabey largo y basta Tattoos ariba curpa.
E auto a tuma direccion Wayaca. Loke e no a tene a cuenta cune tawata cu testigonan a nota e plachi number y a duna polis.
Polis a bay chek y a haya adres na unda e auto ta registra cu ta na Primavera.
Enberdad na yegada a topa cu e Nissan Almera staciona dilanti e cas y cu e sla fresco patras di e auto.
Polis a bay papia cue chauffeur, bisando e di loke a pasa. Pero, debi cu e ta bou influencia di un of otro substancia e ta para ariba cu no ta asina.
Mirando cu si lage elo bay causa problema a tuma e desicion pa bay detene, aki ta unda cos a cuminsa bay robes.
Momento cu nan lo a bay pa detene y pone den boei e homber a cuminsa resisti fuertement.
Polisnan mester a usa forsa bruto pa domine y a logra tambe.
Un agente na Civil cu lo a scucha via su Porto tambe a yega na e sitio pa yuda su coleganan. E parti no a bay facil pe, debi cu e no tawata den uniform un homber cu nos ta asumi cu ta famia di e detenido a medio choca e agente, strobando e pa yuda su coleganan. Sin sa cu ta polis e tambe ta.
Na final mas patruya a yega y a logra hinca e homber den Transportwagen direccion warda di Polis.