Motociclista no a controla e velocidad di su brommer na tempo y a dal patras di un auto.

Boegoeroei: Dialuna den oranan di merdia presencia di polis y ambulance a wordo pidi pa un accidente entre un auto y brommer, na Boegoeroei, un poco mas panort di Fermin’s Bar. Mesora a manda un patruya na e sitio.

Na yegada enberdad nan ta topa cu e accidente y ta bin compronde cu un motociclista tabata bayendo direccion panort y diripente e auto su dilanti a dal un brake y e no a calcula su velocidad na tempo y a slip bay dal tras di e auto. E motociclista a keda levemente herida cu varios rasca na su brasanan y pianan.

Personal di ambulance a trat’e motociclista na e sitio.