Seroe Colorado: Diahuebs ultimo a drenta un informacion via Centrale Post cu tin un boto di bela na altura di Rodgers Beach, cu problema y ta pidiendo asistencia.
E boto di bela ‘Beyond Infinity’, tabata na e momento ey den becindario di Rodgers Beach, abordo tabata tin 3 persona.
E metal shark di Kustwacht a sali mesora direcion di e boto aki cu tabata drief, mesora a tow e y a hib’e na e waf di Barcadera.
Na caminda e capitan di e boto a splica, cu nan tabata nabegando di Aruba pa British Virgen Islands y na momento cu nan a hayanan den problema cu e bela. E capitan a dicidi mesora di bolbe bek Aruba y pa colmo ora nan a yega cerca di Aruba nan a haya problema cu e motor, pa e motibo ey e boto a keda drief y nan a casi pega riba e rif. E personanan abordo tabata asina contento di a wordo yuda pa Kustwacht y tur a yega tera sano y salvo.