148
Sero Biento: Diadomingo den careda di 4’or di marduga, algun persona a wordo stroba di nan soño, na momento cu un pareha bisiña tabata bringando formalmente den cas. Mesora e personanan aki a bati alarma.
Na yegada polis a bin topa cu un homber full na sanger, e homber tabata tin varios hinca na curpa y tabata sangrando bastante.
Tambe na e sitio nan a bin compronde cu e dama despues di tanto bringamento a cansa y a pasa man pa un obheto skerpi y a hinca e homber varios biaha.
Polis na prome instante a detene e homber y despues a pidi pa presencia di ambulance, despues cu personal di ambulance a trata e homber na e sitio, nan a transport’e pa hospital pa un tratamento medico mas avansa.