149
Willemstad, Korsou: Kontinuando ku un investigashon relashoná ku un atrako ku a tuma lugá dia 25 di ougùstùs 2019 na un trùk di pan riba Sta. Rosaweg, polis a detené un hòmber sospechoso.
Djamars 23 di òktober 2019 alrededor di 16.00’or, personal di Tim di Atrako a detené e hòmber sospechoso E.R.G., nasé na Kòrsou di 17 aña di edat. Detenshon a tuma lugá na altura di un kas den Oranjestraat, pa despues tene entrada hudisial den e kas na Oranjestraat.
Durante investigashon den e kas polis a haña i konfiská artikulonan ku ta di importansia pe investigashon. A presentá e sospechoso dilanti un Fiskal Ouksiliar ku a ordená su enkarselamentu pendiente di mas investigashon.
