Accidente altura di banco na Noord a laga dos persona herida atras

Noord – Diamars anochi polis y ambulance a wordo manda direccion CMB na Noord, unda un accidente a sosode y lo tin hende herida.

Na yegada di polis nan a topa cu auto Nissan Sentra  y otro tawata un Toyota Passo.

Nos por a compronde cu e Nissan Sentra tawata bayendo direccion pariba na e crusada.

Pa un of otro motibo e Toyota Passo a subi e crusada for di pazuid sin duna e Nissan preferencia. Subiendo dilanti e Nissan.

Esaki a causa cu e Sentra a dal contra e Toyota.

Ambos chauffeur a resulta herida, unda cu Ambulance a transporta e cabayero na stuur di e Sentra prome Hospital y despues e dama.

Daño material ta considerabel.

Takelwagen a wordo pidi pa e hala e Sentra for di caminda debi esaki no por a core mas.