Home » Stellaris Casino a celebra hunto cu su hungadonan nobo

Stellaris Casino a celebra hunto cu su hungadonan nobo

by Admin
0 comment 67 views

 

 

ORANJESTAD, Aruba –  Recientemente Stellaris Casino a organisa un evento exclusivamente pa su hungadonan nobo di e di dos cuartal di aña 2019. Yazira Javois-Feliciana, Director of Marketing & Slot Performance di Stellaris Casino, a  bisa cu esaki ta e forma con ta lansa e New Tier Playernan di cada cuartal.

 

A lansa e di dos cuartal cu un fiesta similar, esta cu “Curacao Legends” e tempo, pero e mesun hungadonan a pidi pa ripiticion. Como Stellaris Casino ta complace su clientenan, a dicidi cu pa e di tres cuartal, a bin cu nan atrobe, asina celebra e “Tier Event” di e di tres cuartal, cu Curacao Legends den ballroom di Aruba Marriott Resort.

 

E evento ta un di e beneficionan cu un Tier player ta ricibi na Stellaris Casino, cu de facto, no ta un casino pa solamente hunga na mashin of mesa, pero tambe ta dunabo un experiencia unico.

 

Manera tur hende sa, Stellaris Casino ta e cas di Bacardi. Na e momento cu bo ta hunga Bingo, ta haya bo mojito di tur sabor traha di Bacardi gratis. Pues durante e Tier Event, Bacardi tabata e signature drink. E invitadonan por a scoge entre Mojito pero tambe rumcoke y tur nan bebidanan preferi cu nan kier a disfruta di dje di e liña prestigioso di Bacardi.

 

Stellaris Casino a gradici e Tier playernan pa ta clientenan loyal y fiel. Esaki ta solamente un di e beneficionan ora Bo ta den e famia di Stellaris Casino. E fiesta a conta cu un ballroom completamente yen, cu cantantenan popular di Corsou, cu a yama nan mes “The Curacao Legends” consistiendo di e idolonan di tur tempo, manera ta Boy Thode, Tico Balentien, Lio Rosa y Gibi Doran. Dwight Leoneta a forma e “All Star Band” pa compaña  the Curacao Legends. No por a keda afo, e banda local di tur momento, Buleria, cu tambe a presenta durante e evento y a pone un ambiente unico.

 

Stellaris Casino consistiendo di un team di mercadeo basta fuerte, a traha bon coordina y organisa un evento exitoso un biaha mas. Na final di e anochi tur miembro cu a cualifica pa un oferta, e bai disfruta di nan Free Play purbando nan suerte na nan wega di mashin of mesa faborito.

 

Aruba Marriott Resort & Stellaris Casino a habri na aña 1995 y ta e casino mas grandi riba nos isla. E ta conta cu mas di 160 empleado, cu ta maneha 24 wega di mesa y mas di 400 slot machines. E weganan mas popular riba mesa ta Craps, Black Jack, Three Card Poker y Roulette, mientras cu e mashinnan mas uza ta esunnan di e sistema 3D y e “Mystery Progressive Jackpots”. Stellaris Casino tin Bingo tur diahuebs, diasabra y diadomingo pa 12:00pm, cu 5 Progressivo inclui completamente gratis. E casino ta habri 24 ora pa dia pa weganan di mashin mientras cu weganan di mesa ta cuminsa pa 2:00pm te cu 4:00am.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio