Ladron no por a resisti e tentacion di un cama bunita drecha y a dicidi enbes di baha na awa cu su botin, di bay tira un cabes y perde ariba.
Tilburg, Hulanda: Diasabra den oranan di mainta doño di cas ta yega su cas y pa su sorpresa ta topa un persona desconoci morto na soño, drumi den su camber riba su cama. Mesora a yama polis.
Na yegada e agentenan a bin compronde cu den e edificio unda antes tabata un misa, tin un Atelier y na e piso mas ariba, ta caminda e intruso ainda tabata morto na soño drumi riba cama.
Den e atelier nan a bin topa cu algun cos cu no tabata di e doño, probablemente di e ladron mes. Tambe nan a ripara cu ela coba den frigidaire. Tur e cashinan tabata habri y tambe tabata tin un botin cla poni pa bay cune.
E agentenan a subi na e piso mas halto y enberdad a topa cu e sospechoso di 23 aña, kende ta un homber cu no tin lugar di biba na Hulanda.
Aparentemente e no por a resisti e tentacion di e cama y a bay dal un cabes y a perde ariba. Ela keda deteni y mesora a cuminsa cu investigacion pa haya sa mas y tambe pa mira con e por a drenta den e edificio aki.