Ainda e ta fugitivo: Homber cu a huy for di Huis van Bewaring posiblemente mira cerca di Santana na Playa

Caya Ernesto Petronia – Diabierna den oranan di mainta polis a haya informacion cu e homber cu a huy for di Huis van Bewaring na Dakota a wordo mira den Playa.

Segun informacionnan tawata sigui drenta a ser bisa den area di Santananan di Playa.

Por a mira polisnan bula den cura di Santana unda aparentemente informacion lo a drenta cu e homber lo a ser mira.

E homber aki ta naci na Santo Domingo, y recientemente a sali di K.I.A y a wordo translada pa Huis van Bewaring, pendiente su deportacion.

Diaranson atardi pa mas o menos 6’or alarma a wordo bati door di personal di GNC na e sitio cu un persona a huy.