Savaneta: Diahuebs algo pasa di 8’or y mey ta sosode un accidente frontal cu 5 persona herida, entre un bus y un Mitsubishi SUV, shinishi. Esaki a sosode na altura di La Granja Savaneta. Mesora a manda pidi pa presencia di polis y ambulance cu urgencia.
Na yegada nan a bin compronde cu e bus di Arubabus tabata bayendo direccion pabou y su dilanti di golpi ta brake dos auto pa bira na nan man robes. E chaufeur di bus pa evita di dal tras di e autonan aki a hala na su man robes y a dal frontal contra e Mitsubishi SUv cu tabata biniendo di direccion contrario. E chauffeur di bus no por a baha caminda na su man robes door cu tin trabounan andando, tin buraco cu sero di tera na banda di e caminda.
E impacto tabata hopi fuerte y a laga e chaufeur di e Mitsubishi herida cu sla na cara y cabes. E chauffeur di e bus tambe a keda herida y ma tres pasahero den e bus.
Tur 5 herido a wordo transporta cu ambulance pa hospital. E auto y e bus a haya hopi daño material. Polis a cera e caminda, for di rotonde Pos Chikito. E trafico a wordo desvia via e caminda patras y tabata hopi pega.
