Detenido Dominicano agresivo a huy for di Huis van Bewaring na Dakota

Dakota – Diaranson den careda di 6 ‘or di atardi, alarma a wordo bati na Guarda Nos Costa ( Ex Huis van Bewaring) pa motibo cu un ilegal a huy.

Ta trata di un homber di nacionalidad Dominicano cu recientemente a sali for di K.I.A.despues di a caba di sinta su castigo y lo ta, wardando riba su deportacion.

Un patruya di polis a presenta na Guarda Nos Costa pa asina mas haya mas informacion di e persona cu a huy.

Aparentemente e fugitivo di nacionalidad Dominicano ta hopi agresivo y polis lo cuminsa cu un buskeda.