Pos Chikito – Diamars atardi laat polis a bay Pos Chikito pa un auto cu a dal contra un cura di cas, y despues e chauffeur manera nada no a pasa move.
Na yegada di polis nan a topa cu BMW color shinishi. Durante cu e vehiculo aki tawata bayendo direccion pariba pa un of otro motibo elo a baha caminda, bayendo na su robes.
Esaki a causa cu ela bay dal contra un cura di cas, destruyendo dos meter di awa y un bari di sushi.
Manera nada no a pasa e chauffeur, aparentemente no local a kita ambos plachi number cu no ta cuadra tampoco cu e auto y a cana bay.
Polisnan a tira bista pa e chauffeur, pero sin resultado.
E auto a wordo confisca y hiba warda di polis, unda cu si e doño kier elo pasa reclama esaki.
Pero e no mester lubida cu tin prijskaartje cu ne.