Tanki Leendert – Diamars den oranan di merdia polis a wordo notifica di un auto cu lo a wordo horta durante weekend pasa.
Ta trata di un Hyundai Tucson color cora kima.
Segun informacion un conocido of amigo di e doño lo a fia esaki.
Diamars merdia informacion a drenta cu a mira e vehiculo ariba Van Leeuwenstraat cu tres individuo aden.
Polis mesora a bay den caya menciona, pero ya nan a move.
Un rato despues nan a spot e auto atrobe ariba e parkeer plaats di Wendy’s Tanki Leendert, den dje e mesun tres individuonan.
Varios patruya a dirigi nan mes pa e sitio y a logra stop e auto ariba e parkeer plaats dilanti e Mall, den e auto tur ta conoci di polis.
No tawata tin detencion
Na e sitio agentenan a laga tur bay, debi cu e doño no a bay warda pa haci un denuncia oficial. Elo a yama y bisa cu nan a horta su auto y nada mas. Esaki segun polis.
Agentenan a core cu tur tres for di e sitio y a tuma e auto den beslag.