ORANJESTAD – September cu normalmente ta wordo considera un luna slow a sa di crece aña pa aña cu porcentahenan mas halto. Minister Dangui Oduber a keda impresiona y ta hopi contento cu e cifra nan di “Hotel Performance” pa e luna di September 2019. Cu hopi satisfaccion por mira e resultadonan cu a drenta y cu ta indica cu turistanan cu ta contribui enorme na nos economia ta sigui scohe Aruba como destination faborito.
Tur e indicadornan ricibi door di “AHATA” ta sumamente positivo y ta sigi duna peso na e vision y maneho di Minister Dangui Oduber.
Ministerio di Turismo lo sigui enfoca riba e vision di calidad riba e cantidad.
Resultado di Hotel pa luna di September 2019.
Den luna di September e grado di occupacion a subi cu 4.2 porciento compara cu September 2018. E RevPAR den september 2019 tabata $165.73 y esun di e aña anterior tawata $150.53. RevPAR ta e prijs cu un turista ta dispuesto pa paga pa un camber pa anochi. Aruba a sa di sobresali aspesar di tur obstaculo den low season cu un crecemento di 10.1% compara cu e RevPar di September 2018.
RevPar ta e indicador principal cu ta indica cu turistanan cu un “high spending capacity” ta biniendo nos isla.
Otro indicador hopi importante ta e ADR (average daily rate) cu tambe a conoce un aumento di 4.2%. E average daily rate den luna di september 2019 ta $211.78
Maneho di minister Dangui Oduber ta sigi duna resultado conforme e vision di atrae turistanan di calidad. Aruba ta keda un destinacion faborito specialmente pa e Mercado Norte Americano. Poniendo strategianan clave den nan lugar ta keda premira solamente crecemento positivo e luna nan cu lo bira “High Season” pa resto di aña 2019.
Ministerio di Turismo lo sigui enfoca riba e vision di trece e turistanan di calidad, e turistanan cu ta laga mas placa atras den nos economia.
Minister Dangui Oduber kier a duna su mas sincero danki na tur cu ta contribui diariamente na e resultado positivo aki.
Turismo ta keda e driver principal di nos economia y e resultadonan ta papia pa nan mes.