Polis ta pidi búskeda di e hóben, Rijona Clara Rosa Ferero, nasé na Kòrsou di 14 aña di edat. For di djasabra 12 di òktober 2019, alrededor di 12.00 or di mèrdia, Rijona a sali for di kas sin ku niun hende a nota esaki. Djabièrnè e tabatin un diskushon ku su mama i a menasé ku lo e bai for di kas.
Rijona tin e siguiente deskripshon:
Haltura: 1.60 – 1.80 m Postura: delegá; Kabei: maron ku mechita na punta; Koló di kueru : maron kla; Koló di wowo: pretu Forma di kara: oval
Rijona tin un skupi di Dios (moedervlek) na e parti ariba di su pia robes. Na momentu ku Rijona a sali kas e tabatin blusa kòrtiku (zweef bloesje), un short koló blou ku diseño girasol (zonnebloemen) i punta blanku bistí i na su pia un sandalia koló kòrá ku blanku.
Polis ta supliká tur hende ku por duna kualke informashon tokante di Rijona pa tuma kontakto ku polis na e number di telefòn 917 òf na e number anónimo 108.