Macuarima – Diadomingo atardi polis y ambulance a wordo manda Macuarima altura di The New Shahai Take Away pa un accidente di trafico.
Na yegada a topa cu e dos autonan envolvi, cu tawata un Toyota Yaris y un Ford Ecosport.
Loke a sosode tawata cu e Ford Ecosport a cu dos cabayero aden a subi caminda sin duna e Yaris preferencia.
Esaki a causa un impacto basta duro, unda e Yaris a dal e Ecosport den porta di e chauffeur.
Na yegada di Paramediconan hunto cu ayudo di Polis a logra saca e chauffeur cu tawata keha di basta dolor, lo tawata trata di un persona di edad.
Pa loke ta e Yaris ela ricibi hopi daño material y e chauffeur a resulta levemente herida door di e Airbags cu a sali.
Paramediconan a atende e esnan cu tawata tin mester na e sitio y despues a sali direccion Hospital cu e cabayero di edad.