Home Police VIDEO: Homber a horta cellular di testigo papiando cu polis, despues di...

VIDEO: Homber a horta cellular di testigo papiando cu polis, despues di persecusion na pia a gare patras di Warda di Playa

SHARE

Plaza Padu patras di Parlamento – Diadomingo mainto momento cu polis tawata atende kiebro na na e porta patras di Parlamento, un otro incidente a tuma luga e momento ey.

Polis tawata hunto cu e testigo cu a mira kiko a pasa ora cu e adictonan a kibra y drenta Parlamento. Pues polis tawata na e sitio cu e testigo pa tuma declaracion.

Door di un descuido e testigo lo a pone su cellular un rato un rato ariba un banki.

Dado momento ta presenta un homber color scur bisti un t-shirt cora y ta manera nada a pasa man pa e cellular.

Momento cu miembronan di Team Prensa Aruba a mira esaki mesora a bisa polis.

Ora cu e homber a ripara cu a haya sa ela cuminsa core.

Aki ta unda un miembro di Team Prensa Aruba a sali su tras hunto cu polis.

Mientrastanto e agente su tras via su Portofoon a avisa agentenan den warda pa sali yuda, door cu e homber a drenta e caya patras di warda.

Aki ta unda mas polis a sali y yuda detene e homber.

Durante cu e homber tawata coriendo, ela kita su t-shirt color cora y bente afo.

Agentenan a pone ariba vloer y a riste pero no a haya e cellular, posiblemente elo a bente of sconde un caminda durante e coremento.

Ela wordo poni den boei y no a keda nada contento cu e miembro di Team Prensa Aruba a core su tras.

E no kier pa su famia haya sa kiko ela haci, ela wordo hiba warda di Playa.